انا عارف ان مع فرحتك شايل هم صداع أول كام يوم فى الصيام بسبب كوباية الشاى أو القهوة اللى متعود عليهم
اقول لك الحل ايه؟
الحل إنك تبدأ تقلل من شرب الشاى و القهوة فى فترة الصبح☀️ والنهار. يوم ورا يوم هتبدأ تتعود على دا وعلى مانوصل لرمضان هتكون اتعودت و لما رمضان يهل علينا خد بالك إن الشاى و القهوة مدرين للبول، يعنى ياريت تشرب منهم كمية قليلة جدا بعد الفطار و بلاش تشربهم فى السحور علشان متحسش بالعطش فى اليوم اللى بعده فى الصيام
الصيام فرصة للتحكم في الوزن وضبط نسبة الدهون فى الدم وكذلك لضبط النفس ومواصلة نمط الحياة الصحى بعد شهر رمضان
إجعل سحورك متنوعاً بين الخضروات والبروتين مثل البيض ومنتجات الألبان مثل الزبادي واللبن و الخضروات المليئة بالماء هي الأفضل علي السحور مثل الخيار والجرجير -لا تنسي وضع بعض من الطحينة علي الفول لزيادة قيمته الغذائية -يفضل بعد السحور البعد عن الكافيين مثل الشاي والقهوة
لو بقالك فترة كبيرة بتحاول تقلل وزنك ففرصتك جت لحد عندك -الصيام فى رمضان بيساعدنا جدا إننا نتحكم فى الجوع و فى شويه عادات ممكن تساعدك تقلل وزنك بسهولة فى شهر رمضان طب ايه هى العادات دى -انك متنساش تشرب كمية سوايل كافيه و توزعهم فى الفترة اللى بين الفطار و السحور -طبق السلطة 🥗الغنى بالخضراوات مهم جدا ليك بس بلاش تزود عليه اى دهون و على سيرة الدهون متنساش تشيل جلد الفرخة قبل ما تاكلها -تخلى بالك إن أكلك يكون مشوى مش مقلى فى الزيت و تحاول تقلل من الزيوت أو السمنة فى الاكل حاول تقلل من الحلويات على قد ما تقدر و بدلها الفاكهة🍎- تمنع خالص العصاير المصنعة 🧃و المشروبات الغازية اللى مليانه سكريات
*تحضيرات رمضان يعني كمان انت لازم تحضر نفسك كمريض سكر .. طيب ازاى ؟ الإجابة بسيطة و هى إنك تسأل طبيبك فى شهر شعبان قبل ما رمضان يبدأ👨🏼⚕️ في مسألة الصوم، لأنه هيوضحلك إمكانية الصوم حسب حالتك زي ارتفاع أو انخفاض سكر الدم، والجفاف. و مهم جدا تسيطر على مرض السكري قبل رمضان و لو كان رد الطبيب إنه ينفع انك تصوم فلازم تاخد بالك من كذا حاجه زى • اتباع إرشادات طبيبك بخصوص نمط حياتك فى رمضان زى الاكل و الشرب و ممارسة النشاط البدنى . • ضبط الجرعات العلاجية اللى بتاخدها حسب وصف طبيبك. • مراقبة ظهور علامات انخفاض أو ارتفاع السكر. • اذا انخفض السكر ل 70 أو أقل .. أو ارتفع عن 250 يجب أن تفطر حتى لو كان قبل الاذان بوقت قليل
لو انت مريض سكر و نصحك طبيبك إنك تقدر تصوم بأمان في شهر رمضان * - -اتبع نظام غذائي صحى على حسب مقترحات طبيبك - حاول تمارس رياضة المشي على الأقل ٢٠ دقيقه في اليوم - - قم بضبط مواعيد الجرعات العلاجية التي تتناولها - - -إعتبر شهر رمضان فرصة جيدة انك تضبط معدل السكر بانتظام لأن مواعيد الأكل في رمضان محددة، ومراقبته خوفا من انخفاض معدل السكر والاضطرار الى الإفطار
صحة فمك مهمة جدا فى رمضان و متقلقش غسل الأسنان مبيفطرش و لازم تغسل سنانك خصوصا بعد السحور علشان تضمن إنك تخرج بقايا الاكل قبل ما تنام
من إعداد/ الإدارة المركزية للإعلام الصحى و السكانى
اشترك معنا فى النشر البريدية ليصلك كل جديد